親

今日係我第一次因為掛住媽咪所以打電話俾佢。 佢好開心﹐仲叫我以後要一個禮拜要通一次電話。 只要唔鑽牛角尖﹐其實係一件好簡單又容易嘅事。 聽番晒屋企嘅所有電話留言﹐有九成都係媽咪打唻冇人接。 聽到佢把聲有時有啲嬲﹐有時有啲「掹」﹐有時好疲倦﹐但係次次都好失望﹐都會覺得心痛。 有心唔怕遲﹐應該係話趁一切仲未太遲﹐大家都要好好加油。 今次返香港﹐同媽咪行街嘅時候都會拖手﹐我並冇覺得醜怪。 或者今後有一日﹐當再次出現突然想擁抱爸爸媽媽嘅時候﹐我唔會再膽怯﹐喺家人面前可以更誠實。